İsrailin Baş naziri Benyamin Netanyahu Qəzza zolağındakı İsrail əsgərlərinə baş çəkib.

Bu barədə Netanyahu “X” səhifəsində paylaşım edib.

 “Qəzza zolağında, cəbhə xəttində döyüşçülərimizlə. Biz hamımız hazırıq”, – Netanyahu bildirib.

Xatırladaq ki, oktyabrın 7-si İsrail ərazisi Qəzza zolağından raket atəşinə tutulub. Qəzza zolağına nəzarət edən HƏMAS hərəkatı İsrailə qarşı genişmiqyaslı hərbi əməliyyata başladığını bildirib. Bunun ardınca İsrail ordusu Qəzza zolağında “Dəmir qılınclar” adını verdiyi hərbi əməliyyata başlayıb.