“Yuventus”un yarımmüdafiəçisi Pol Poqba dopinqə görə dörd il müddətinə diskvalifikasiya olunub. 

Xatırladaq ki, 2023-cü ilin oktyabrında fransalı futbolçu eyni vaxtda iki dopinq sınağından çıxa bilməyib. Turinli yarımmüdafiəçinin nümunəsində çox yüksək testosteron səviyyəsi aşkar edilib. 30 yaşlı futbolçunun vəkilləri onun mümkün diskvalifikasiyasının 4 ildən 2 ilə endirilməsini tələb etsə də, bu, istənilən nəticəni verməyib.

Poqba 2022-ci ilin yayından “Yuventus”da çıxış edir. Keçən mövsüm yarımmüdafiəçi İtaliya klubunun heyətində bütün yarışlarda cəmi 10 oyun keçirib və bir məhsuldar ötürmə edib. Futbolçunun Turin klubu ilə müqaviləsi 2026-cı ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 20 milyon avrodur.

Daha əvvəl məlum olmuşdu ki, “Yuventus” Poqbanın rəsmi diskvalifikasiyası halında onunla müqaviləni birtərəfli qaydada pozacaq.