Ukrayna prezidenti Vladimir Zelenski bəyan edib ki, Kiyev əks-hücuma hazırdır.

“Ordumuzun ümid etdiyi bütün silahları almamasına baxmayaraq, biz daha gözləyə bilmərik”, - deyə Zelenski bildirib.

O əlavə edib ki, Ukrayna əks-hücum üçün bəzi əlavə resurslara sahib olmaq istəsə də, aylarla gözləyə bilməz.

“Bunun nə qədər vaxt aparacağını və hansı qiyməti ödəyəcəyimizi dəqiq bilmirəm”, - Zelenski deyib.

O həmçinin qeyd edib ki, Rusiyanın havada üstünlüyü var və təyyarələrdən müdafiənin olmaması əks-hücum zamanı böyük itkilərə səbəb ola bilər. Ukrayna lideri onu da vurğulayıb ki, Kiyevin həm mülki əhalini, həm də cəbhə xəttindəki əsgərləri qorumaq üçün əlavə “Patriot” komplekslərinə ehtiyacı var.