Ukrayna komandanlığı əks-hücum əməliyyatını davam etdirir. Rusiyayönlü Teleqram kanalları Ukrayna Silahlı Qüvvələrinin Xerson vilayətinin şimalında Rusiya müdafiəsini yardığını bildirib. Bir gün əvvəl Dudçanı azad edildi və bu gün Ukrayna Silahlı Qüvvələri Davydov Brodu geri ala bilib. Vəziyyət dəyişməsə, rus qoşunları Xerson da daxil olmaqla Dnepr çayının bütün sağ sahili üzərində nəzarəti itirə bilər. Rus qoşunları geri çəkilir, onlar Berislav - Yeni Kaxovka yaxınlığında müdafiə xətti qurmağa çalışacaqlar, The Insider yazır.

Hərbçilər iki aya yaxındır geri alınan Davydov Brod kəndi üzərində Ukrayna bayrağını qaldırıblar. Kənd 35-ci Əlahiddə Dəniz Briqadasının qüvvələri tərəfindən ruslardan azad edilib. Şəbəkədə Xerson vilayətinin bir sıra digər yaşayış məntəqələrindən Ukrayna hərbçilərinin videogörüntülərini dərc edilib.

Bundan əvvəl xəbər verilmişdi ki, Rusiya prezidenti Vladimir Putin şəxsən rus hərbçilərinə yerdəki komandirlərin xahişlərinə baxmayaraq, Xersondan geri çəkilməyi qadağan edib. İndi Putinin özü Ukraynada müharibənin strateji planlaşdırılması ilə məşğuldur. Bu barədə “The New York Times” ABŞ rəsmilərinə istinadən məlumat yayıb. Məqalədə qeyd olunur ki, Xersondan geri çəkilmək rus hərbçilərinə mütəşəkkil şəkildə Dnepr çayı üzərindən geri çəkilməyə imkan verəcək, texnika və əsgərlərin canını qoruyub saxlayacaq.

Ukrayna mətbuatı yazır ki, Xerson vilayətindən daxil olan məlumatlara əsasən, Rusiya qoşunları bölgənin bütün şimalından geri çəkilir. Rusiya teleqram kanallarının xəbərlərinə əsasən, Rusiya ordusu Mylovoe-Borozenskoye-Kostromka xəttində yeni müdafiə xətti yaratmağa, Xerson və Novaya Kaxovkaya keçməsinin qarşısını almağa çalışacaq.

Telegram kanalları həmçinin bildirirlər ki, Ukrayna əsgərləri Xersondakı Antonovski körpüsünü HIMARS-dan vurub, körpüyə üç raket düşüb.