Rusiya prezidenti Vladimir Putin Kalininqradda məktəblilərə görüşü zamanı Ukraynada “xüsusi hərbi əməliyyat”ın məqsəd və vəzifələrindən danışıb.

Rusiya Federasiyası prezidentinin sözlərinə görə, Ukrayna ərazisində Rusiyanı təhdid edən “anti-Rusiya anklavı” yaradılmağa başlayıb. “Onu ləğv etmək xüsusi əməliyyatın məqsədidir”, - Putin deyib.

Rusiya dövlətinin başçısı əlavə edib ki, RF və onun əsgərlərinin missiyası “Kiyevin Donbasa qarşı apardığı müharibəni” dayandırmaqdır: “Ona görə də orada döyüşən bizim uşaqlar həm Donbass sakinlərini, həm də Rusiyanın özünü qoruyurlar. Bu isə təbii ki, bütün cəmiyyətin dəstəyinə layiqdir”.