İranda aprelin 4-dən kartof və soğanın ixracı qadağan edilib.

Buta.media-nın məlumatına görə, bunu İranın sənaye, mədən və ticarət nazirinin müavini Abbas Qubadi Sputnik İrana deyib.

A.Qubadinin sözlərinə görə, qonşu ölkələrə, xüsusilə İraqa soğan ixracı bu məhsulun qiymətinin bahalaşmasına səbəb olub.

Nazir müavini əlavə edib ki, Bazarın Tənzimlənməsi Komitəsi yerli bazarı tənzimləmək məqsədilə kartofla birlikdə soğanın ixracının qadağan edilməsinə qərar verib (trend). Son günlər ərzində İranda 1 kq soğanın qiyməti 140 min rialı (təxminən 3,33 dollar) keçib.

Soğanın bahalaşmasının digər səbəbi Xuzistan və Kirman vilayətlərindəki son yağıntılar və yığım problemi göstərilir.

Qeyd edək ki, İran Azərabaycana da kifayət qədər kartof və soğan ixrac edirdi. Onu da bildirək ki, son üç ay ərzində ölkəmizdə soğanın qiyməti 40 qəpikdən 1 manat 50 qəpiyə qədər qalxıb.