Türkiyə Ukrayna taxılını daşıyan Rusiya gəmisini saxlayıb

Türkiyədə Ukrayna taxılını daşıyan Rusiyaya məxsus yük gəmisi saxlanılıb.

Bu barədə Reuters agentliyi Ukraynanın Türkiyədəki səfiri Vasili Bodnara istinadən məlumat yayıb.

“Biz [Türkiyə ilə] tam əməkdaşlıq edirik. Hazırda gəmi limanın girişində dayanıb, o, Türkiyə gömrük orqanları tərəfindən saxlanılıb”, - səfir bildirib.

Bodnar əlavə edib ki, Rusiya gəmisinin taleyi müstəntiqlərin bazar ertəsi, iyulun 4-də keçiriləcək iclasında həll olunacaq.

BÖLMƏNİN DİGƏR XƏBƏRLƏRİ