Türkiyə hakimiyyəti bu ölkənin İsveç və Finlandiyanın NATO-ya daxil olmasına razılıq verməyə hazır olduğu şərtlərin siyahısını hazırlayıb.

Üç hökumət mənbəsi Bloomberg-ə bildiriblər ki, Türkiyə İsveç və Finlandiyadan PKK-nı və onun törəmələrini terror təşkilatı kimi tanımasını tələb edir.

Həmçinin, agentliyin həmsöhbətlərinin sözlərinə görə, Türkiyə F-16 qırıcılarının yeni partiyasını almağı və artıq xidmətdə olan belə təyyarələri modernləşdirməyi gözləyir.

Bundan əlavə, Türkiyə hakimiyyəti ölkənin 2019-cu ildə Rusiyadan S-400 sistemlərini aldıqdan sonra çıxarıldığı F-35 qırıcılarının təchizatı proqramına yenidən daxil ediləcəyini gözləyir. Türkiyə də bu razılaşmaya görə tətbiq edilən digər məhdudlaşdırıcı tədbirlərin ondan götürüləcəyini gözləyir.