Rusiya prezidenti Lavrovun Hitlerin “yəhudi qanı” ilə bağlı sözlərinə görə İsrailin baş nazirindən üzr istəyib.

Kremlin saytı xəbər verir ki, Rusiya prezidenti Vladimir Putin İsrailin baş naziri Naftali Bennet ilə telefon danışığı aparıb.

Putin Benneti İsrailin Müstəqillik Günü münasibətilə təbrik edib və onunla Ukraynadakı müharibəni müzakirə edib. Humanitar məsələlərə, o cümlədən Mariupoldakı “Azovstal” zavodundan insanların evakuasiyasına xüsusi diqqət yetirilib.

Mayın 9-u ərəfəsində Putin və Bennet “bu tarixin hər iki ölkənin xalqları üçün xüsusi əhəmiyyətini vurğuladılar”. Kremldən verilən məlumata görə, Putin "İsraildə yaşayan İkinci Dünya Müharibəsi veteranlarına sağlamlıq və firavanlıq" çatdırmağı xahiş edib, Bennet "Qırmızı Ordunun nasizm üzərində Qələbəyə həlledici töhfəsini" qeyd edib.

“RİA Novosti” agentliyi Kremlin mətbuat xidməti ilə Putin və Bennetin “Hitlerdə yəhudi qanı var” deyən Rusiya xarici işlər naziri Sergey Lavrovun sözlərini müzakirə edib-etmədiyinə aydınlıq gətirib. Mətbuat xidməti cavab verdi ki, söhbətin bütün mövzuları Kremlin saytındakı mesajda qeyd olunub.

Naftali Bennetin ofisi Putinin Lavrovun sözlərinə görə üzr istədiyini bildirib. Bennett “Putinin üzrxahlığını qəbul etdi” və “prezidentin yəhudi xalqına və Holokost xatirəsinə münasibətinə aydınlıq gətirdiyinə görə təşəkkür etdi”.