Rusiya prezidenti Vladimir Putin hökumət üzvləri ilə görüşündə Kursk vilayətindəki vəziyyətlə bağlı açıqlama verib. Kremlin Teleqram kanalında Putinin avqustun 7-də çıxışının videosu yayılıb.

Biz Kursk vilayətində baş verən hadisələrdən başlamalı olacağıq. Bildiyiniz kimi, Kiyev rejimi daha bir irimiqyaslı təxribata əl atıb: Ukrayna müxtəlif növ silahlardan, o cümlədən raketlərdən mülki binalara, yaşayış binalarına, təcili yardım maşınlarına fərq qoymadan atəş açır. Görüşümüzdən dərhal sonra mənim hüquq-mühafizə orqanlarının, Müdafiə Nazirliyinin, Baş Qərargahın, FTX-nın, yəni Federal Təhlükəsizlik Xidmətinin sərhədyanı ərazisinin rəhbərləri ilə görüşüm olacaq. Və mən həmkarlarımdan Kursk vilayətində baş verənlərlə bağlı daha bir hesabat eşidəcəm.

Amma onu deyim ki, Kursk vilayətinin qubernatoru vəzifəsini icra edən şəxslə söhbətim nəticəsində rayon sakinlərinə lazımi köməklik göstərilməsi üçün bir sıra mülki idarələrə tapşırıqlar verilib. Mən də hökumətdən xahiş edirəm ki, bununla təcili məşğul olsun.

Putin Rusiya Federasiyası Baş nazirinin birinci müavini Denis Manturova bu işi birinci mərhələdə əlaqələndirməyi tapşırıb.

Ukrayna qoşunları avqustun 6-da Kursk vilayətinə daxil olub və sərhəd zonasında möhkəmlənib. Müxtəlif mənbələrə görə, Ukrayna Silahlı Qüvvələrinin bir və ya iki batalyonu Kursk vilayəti ərazisinə daxil olub. Ukrayna və Rusiya tərəfləri texnika itkisinə məruz qalıb. Rusiya hakimiyyətinin məlumatına görə, yerli sakinlər və Rusiya hərbçiləri yaralanıb.