Belə görünürdü ki, Putinlə Makronun görüşündəki masadan uzun heç nə ola bilməz. Amma Rusiya prezidentinin əlində hələ də bir neçə "hiylə" var.

Fevralın 7-də Rusiya prezidenti Vladimir Putin və Fransa prezidenti Emmanuel Makronun oturduğu nəhəng masanı xatırlayırsız?

Kremlin məlumatına görə, hər iki prezident “prezidentimizin və qonaqlarımızın sağlamlığının qorunması üçün əlavə tədbirlər protokolu”na görə bir-birindən təxminən altı metr məsafədə əyləşiblər.

Belə bir protokol bir qonaq koronavirus üçün PCR testi etməkdən imtina etdikdə aktivləşdirilir (və Makron bunu etməyib).

Həftə sonra. Fevralın 14-də Vladimir Putin Kremldə iki görüş keçirib - xarici işlər naziri Sergey Lavrov və müdafiə naziri Sergey Şoyqu ilə. Hər iki nazir bir neçə dəqiqəlik fərqlə prezidentin qarşısına çıxıb - eyni yerdə əyləşiblər. Şəkillərə əsasən, Putini nazirlərdən Makronla müqayisədə daha böyük məsafə - ən azı səkkiz metr ayırıb. Özünüz baxın.