Sinqapurda 20 ildən sonra ilk dəfə olaraq, narkotik alverində təqsirli bilinən qadın edam edilib. Bu barədə Mərkəzi Narkotiklərlə Mübarizə Bürosu öz saytında məlumat yayıb.

45 yaşlı Saridevi Camani 2018-ci ildə 30,72 qram heroini satdığı üçün ölüm cəzasına məhkum edilib. Məhkəmələr qadının apellyasiya şikayətini ardıcıl olaraq rədd ediblər, prezident də onu əfv etməkdən imtina edib və hökm 28 iyul 2023-cü ildə icra olunub.

Sinqapurda 15 qram və ya daha çox heroini satarkən tutulan bütün narkotik satıcılarına asılmaqla ölüm cəzası verilir.