Fransız aktrisa və müğənni Ceyn Birkin 76 yaşında vəfat edib.

Bu barədə “Le Parisien” nəşri məlumat yayıb.

Ceyn Birkin 14 dekabr 1946-cı ildə Londonda anadan olub. 1966-cı ildə Birkin Mikelancelo Antonioninin “Blow Up” və Cek Smitin “Kaleydoskop” filmlərində çəkilib. 1969-cu ildə o, Pyer Qrimblanın çəkdiyi və baş rolda Serj Qensburun oynadığı “Şüar” filmində qadın baş rolu oynayıb.

1969-cu ildə Fransaya köçən Birkin Qensburla birlikdə məşhur “Je t'aime ... moi non plus” yazır. 1976-cı ildə baş rolda Birkinin oynadığı və  Qensbur tərəfindən çəkilmiş “Mən səni sevirəm ... Məndə səni yox” filmi nümayiş olunub. Filmdə iştirakına görə Birkin Fransanın “Sezar” kino mükafatına namizəd olub. 1980-ci ildə Birkin və Qensburdan ayrılıb. Onların qızı Şarlot Qensbur məşhur aktrisa və müğənni olub.

Ümumilikdə Ceyn Birkinin tərcümeyi-halında onlarla film və iyirmi albom, o cümlədən konsertlər var. Ömrünün son illərinə qədər filmlərdə rol almağa və musiqi ilə məşğul olmağa davam edib.

Şarlottadan başqa Ceyn Birkinin iki övladı var - Keyt Barri (fotoqraf, 2013-cü ildə intihar edərək vəfat edib) və Lu Duayon (müğənni və aktrisa).

Ceyn Birkin dünyanın ən məşhur (və bahalı) çantalarından birinin adıdır. Eyni zamanda, 2015-ci ildə Birkin açıq məktubda “Hermes” moda evindən dərinin qeyri-insani üsullarla əldə edildiyinə görə çanta üçün onun adını istifadə etməməyi xahiş edib. Lakin “Hermes” rəhbərliyi Birkini razı sala bilib.