Dənizkənarı Milli Parkda dekorativ ağaca zədə vuran qadın barədə qərar verilib.

Bu barədə Səbail Rayon Məhkəməsi qərar qəbul edib.

O, İnzibati Xətalar Məcəlləsinin 510-cu (xırda xuliqanlıq) maddəsi ilə təqsirli bilinərək, 75 manat cərimə edilib.

11:03

Dənizkənarı Milli Parkda dekorativ ağaca zədə vurulması ilə bağlı sosial şəbəkələrdə yayılan görüntülər araşdırılıb.  

DİN-in Mətbuat xidməti bildirib ki, polis əməkdaşları tərəfindən həmin qadın müəyyən olunaraq saxlanılıb. O, izahatında törətdiyi əməli etiraf edib. 

Onun barəsində toplanmış materiallar baxılması üçün məhkəməyə göndərilib.