Ukrayna təşəbbüsü ələ keçirdi, Ukrayna ordusunun Baxmut yaxınlığındakı hərəkətləri uğurlu hücum əməliyyatlarına başlaması üçün fürsət açan qapıdır.

Bunu Ukrayna Prezidentinin Aparatının rəhbərinin müşaviri Mixail Podolyak deyib.

“Əks-hücum bu gün başlayan və sabah bitəcək birdəfəlik hadisə deyil. Donetsk vilayətinin müxtəlif bölgələrində artıq kiçik yerli yerdəyişmələr var. Əks-hücum müəyyən vaxt ərzində baş verən bir sıra hərəkətlərdir”, - Podolyak bildirib.

O, Rusiya ordusunun işğal etdiyi əraziləri tərk etmək məcburiyyətində qalacağını vurğulayıb: 

“Düşünürəm ki, RF ordusunun başına gələcək fəlakətli hadisələr görəcəyik. Çox tez işğal olunmuş əraziləri tərk etməyə məcbur olacaq. Məncə, isti yaz-yay mövsümü olacaq”.