Mayın 8-də axşam saatlarında Rusiya hərbçiləri Xarkov və Xarkov vilayətini atəşə tutub. Regional hərbi administrasiyanın rəhbəri Oleq Sinequbovun sözlərinə görə, S-300 sistemlərindən ən azı altı hücumu qeydə alınıb. Zərərçəkənlər və dəymiş ziyanın həcmi barədə məlumat verilir.

Ukrayna KİV həmçinin Dnepropetrovsk və Sumı vilayətlərinin atəşə tutulduğunu bildirir.

Dnepropetrovsk vilayətinin hərbi administrasiyasının rəhbəri vurğulayıb ki, bölgədə hava hücumundan müdafiə sistemi fəaliyyət göstərir. Dnepr meri Boris Filatov şəhərdə baş verən bir neçə partlayışdan məlumat verib.

Sumı vilayətinin administrasiyası Rusiya qoşunlarının gün ərzində 12 hücum təşkil etdiyini bildirib. Bölgədə 70 partlayış qeydə alınıb.