Aprelin 20-də ABŞ-ın “SpaceX” şirkəti Texas ştatının cənub-şərqindəki Boka Çika ərazisindən yenidən istifadə edilə bilən “Starship” nəqliyyat sisteminin prototipinin buraxılışını həyata keçirib. Başlanğıcdan dörd dəqiqə sonra “Starship” sisteminin prototipi 38 kilometr hündürlükdə partlayıb.

Sınaq uçuşunun üçüncü dəqiqəsində eyni adlı kosmik gəminin “Super Heavy” daşıyıcı aparatının prototipindən ayrıla bilmədiyi üçün fövqəladə vəziyyət yaranıb.

Qeyd edək ki, “Starship” prototiöinin buraxılışı aprelin 18-nə planlaşdırılmışdı, lakin daşıyıcının yanacaq çənində yüksək təzyiq səbəbindən təxirə salınmışdı.

“SpaceX” ABŞ Federal Aviasiya Administrasiyasından müvafiq icazə aldıqdan sonra buraxılış raket prototipinin buraxılışı mümkün olub.

“SpaceX” “Starship” prototipini bərpa etməyi planlaşdırmırdı

İlk uçuş sınağı “Starship” prototipinin suborbital trayektoriya üzrə uçuşunu əhatə edirdi, lakin nəqliyyat sistemi orbital hərəkətə uyğun sürəti inkişaf etdirəcəkdi (ilk kosmik sürət).

“SpaceX”in planlarına görə, daşıyıcıdan ayrıldıqdan sonra “Ship 24” kosmik gəmisi 235 kilometr hündürlüyə çatmalı, sonra isə Havay adaları yaxınlığında Sakit Okeana enməli idi. “Super Heavy” daşıyıcısı isə Boka Çika yaxınlığında Meksika körfəzində eniş etməli idi.

Növbəti “Starship” sınağı bir neçə aydan sonra baş tutacaq

Şirkətin rəhbəri İlon Mask ilk sınaq uçuşunun plana uyğun keçəcəyinə şübhə ilə yanaşırdı.

Amerikalı mühəndis və iş adamı “Starship”in buraxılış meydançasına zərər vermədən havaya qalxa bildiyi təqdirdə müvafiq sınaqların uğurlu sayılacağını bildirmişdi.

İkinci “Starship” prototipinin yığılması və uçuşa hazırlanması bir neçə ay çəkə bilər.

“Starship” bəşəriyyət tarixində ən güclü raket və kosmik gəmi olacaq

“Super Heavy” və “Starship”in birləşməsi “Saturn V”, “Energia” və “Falcon Heavy” kimi super ağır daşıyıcıları geridə qoyaraq bəşəriyyət tərəfindən indiyə qədər yaradılmış ən böyük, ən güclü raket sisteminə çevriləcək.

Xüsusilə, təkrar istifadə rejimində “Starship”in aşağı Yer orbitinə 150 tona, birdəfəlik istifadə rejimində isə 250 tona qədər faydalı yük çıxara biləcəyi gözlənilir.

“Starship”in əsas məqsədi Marsa insan göndərməkdir

“SpaceX”in NASA üçün hazırladığı aya eniş aparatı “Human Landing System” (HLS) “Starship” kosmik gəmisinin dəyişdirilmiş versiyası əsasında qurulacaq.

“Rocket Cargo” proqramının bir hissəsi olaraq ABŞ ordusu yüklərin bütün Yer kürəsinə yüksək sürətli çatdırılması üçün təkrar istifadə edilə bilən nəqliyyat sistemindən istifadə edə biləcək.

 “SpaceX” şirkəti həmçinin insanların çatdırılması kontekstində Yer üzündə qitələrarası uçuşlar üçün “Starship”dən istifadə ideyasını nəzərdən keçirir.