Ukrayna prezidenti Volodimir Zelenski xalqa müraciətində deyib ki, Baxmut istiqamətində gedən döyüşlərdə Rusiya çoxsaylı itkilər verir.

Onun sözlərinə görə, yalnız Baxmut istiqamətində Ukrayna hərbçiləri düşmənin 1100-dən çox əsgərini məhv edə bilib.

“Bunlar Rusiyanın əvəzolunmaz itkiləridir. Üstəlik, onlarla düşmən maşını məhv edilib. Üstəlik, Rusiya silah-sursat anbarları yandırılıb”, - Zelenski deyib.

Bir müddət əvvəl “Vaqner”in yaradıcısı Yevgeni Priqojin Baxmutda vəziyyətin çox ağır olduğunu bildirib: 

“Düşmən hər metr üçün vuruşur və biz şəhərin mərkəzinə nə qədər yaxın olsaq, döyüşlər bir o qədər ağır olur, artilleriya da bir o qədər çox vurur. Ukraynalılar sonsuz ehtiyatlarını döyüşə atırlar”.