Naxçıvan Muxtar Respublikasının Pentensiar Xidmətinə yeni rəisi  təyin olunub.

Bu vəzifəyə Emin Kazımov gətirilib.

Emin Kazımov bundan əvvəl Naxçıvan MR Ədliyyə Nazirliyinin İcra və probasiya şöbəsinin rəisi vəzifəsində çalışıb.

Eyni zamanda, Naxçıvan MR ədliyyə nazirinin müavini təyin olunan E.Kazımov bu gün kollektivə təqdim edilib.

Qeyd edək ki, Şahbuz rayonunda anadan olan Emin Kazımov 20 ildir ki, ədliyyə orqanlarında xidmət edir.

Xatırladaq ki, ötən ay Naxçıvanın Penitensiar Xidmətinin rəisi, ədliyyə general-mayoru Tofiq Etibar oğlu Həsənov həbs edilmişdi. O, vəzifə səlahiyyətlərindən sui-istifadə etməklə xüsusilə külli miqdarda mənimsəmədə və rüşvət almada şübhəli bilinib. Məhkəmənin qərarı ilə general barəsində 4 aylıq həbs qətimkan tədbiri seçilib.