Rusiya xarici işlər nazirinin müavini Mixail Qaluzin Aİ-nin Cənubi Qafqaz üzrə xüsusi nümayəndəsi Toivo Klaar ilə telefonla regiondakı vəziyyəti müzakirə edib.
Rəsmi Moskva qeyd edib ki, Brüsselin Ermənistanda missiya yerləşdirmək qərarı regionda nizamlanmaya kömək etmir və özünəməxsus geosiyasi fona malikdir.
“Ermənistan-Azərbaycan münasibətlərinin normallaşdırılması mövzusunu müzakirə edərkən Mixail Qaluzin qeyd edib ki, Brüsselin Ermənistanda Aİ-nin mülki missiyasını yerləşdirmək qərarı Transqafqazda real sabitləşməyə töhfə verməyən fərqli geosiyasi fona malikdir. Bakı və İrəvan arasında bu təşəbbüslə bağlı konsensusun olmaması vurğulanıb”, - Rusiya Federasiyası Xarici İşlər Nazirliyinin çərşənbə axşamı dərc olunmuş mesajında deyilir.
