Ukraynada müharibənin dayandırılması ilə bağlı danışıqlar zamanı bütün məsələlər ictimaiyyətə çatdırılmalıdır.

Bunu Volodimir Zelenski Ukrayna mediasının nümayəndələri ilə söhbəti zamanı deyib.

Ukrayna prezidenti jurnalistlərə bildirib ki, digər ölkələrin liderlərindən Rusiya tərəfi ilə mümkün danışıqlara dair müəyyən siqnallar alıb. Zelenskin vurğulayıb ki, Rusiya Ukraynaya qarşı təcavüzkar müharibə aparır, ona görə də istənilən danışıqlar pərdə arxasında deyil, açıq şəkildə aparılmalıdır.

Onun sözlərinə görə, dünya liderlərinin Ukraynanın danışıqlara hazır olması ilə bağlı suallarının olmaması üçün o, G20 sammitində sülhün bərpası üçün on addım təklif edib.

“Mən inanıram ki, bu, bütün dünyaya sülhün düsturudur. Çünki hər bir dövlət orada öz yerini tapa bilər və bu və ya digər təşəbbüsdə lider ola bilər - bu onluqdan bu və ya digər məqamın çətinliklərini aradan qaldırmaqda”, - deyə Zelenskinin mətbuat xidməti sözləri sitat gətirir.