Ukrayna Xersonun azad edilməsindən sonra cəbhədəki vəziyyəti dondurmaq niyyətində deyil. Bu barədə noyabrın 11-də axşam milli telemarafonun efirində Ukrayna Milli Təhlükəsizlik və Müdafiə Şurasının katibi Aleksiy Danilov məlumat verib.

Biz heç nəyi dondura bilmərik. Biz soyuducu deyilik. Biz hava şəraitindən, fəsildən asılı olmayaraq ərazilərimizi azad etməliyik. Bizi heçnə dayandıra bilməz, çünki xalqımız oradadır, onların necə əzab çəkdiklərini, bizim oğlanlarla, azadçılarımızı gözləri yaşla qarşıladığını görürük.

Ona görə də ölkəmizin prezidentinin qarşısına qoyduğu silahlı qüvvələrin vəzifəsi kifayət qədər sadə və başa düşüləndir - bütün ərazilərimizi terrorçulardan, işğalçılardan azad etməkdir. Və mütləq həyata keçiriləcək. Yeganə sual vaxtdır (UNİAN-dan sitat).

“The New York Times”ın yazdığına görə, Xersonun azad edilməsindən sonra Ukrayna qoşunları hücum əməliyyatlarını dayandırmaq fikrində olmadıqlarını nümayiş etdirirlər. Qəzet yazır ki, ölkənin şərqində Ukrayna Silahlı Qüvvələri irəliləməyə davam edir və Rusiyanın dəfələrlə Baxmut və Pavlovkanı tutmaq cəhdlərini dəf edir, cənubda isə Dnepr çayının sol sahilindəki rus mövqelərini atəşə tutur.

NYT qeyd edir ki, Ukrayna hərbçiləri və könüllüləri getdikcə daha çox eyham vururlar ki, Ukrayna Silahlı Qüvvələri bu iki cəbhə arasında, Zaporojye vilayətindən cənubdan Melitopol istiqamətində Rusiyanın Ukraynanın bütün cənub ərazisi üzərində nəzarətinə meydan oxumaqla yeni hücuma hazırlaşır.

Meduza mənbələrinin məlumatına görə, Rusiya hakimiyyəti atəşkəsə nail olmaq və sakitlikdən istifadə edərək 2023-cü ilin fevral-mart aylarında yeni hücuma hazırlaşmaq istəyir.