Rejissorlar və aktyorın tətillərinə görə təxirə salınan premyeralarla dolu bir ildən sonra televiziya sənayesi nəhayət tam gücü ilə qayıtmağa hazırdır. 2024-cü ildə “Taxt Oyunları” prekvelinin davamı, əfsanəvi “Dyuna” filminin serial versiyası, yeni “Ulduz müharibələri”, “Üzükləri şahzadəsi” və bir sıra digər maraqlı layihələr təqdim olunacaq. 

“Mister və missis Smit” (Mr and Mrs Smith)

Təxminən 20 il əvvəl casus melodramatik komediyasına əsaslanan serialın buraxılışı 2022-ci ilə planlaşdırılırdı. Donald Qlover  ilə birlikdə rejissorluq etməli və baş rolda oynamalı olan Fibi Uoller-Bric çəkilişlərə az qalmış layihədən ayrıldı. Onu Maya Erskin əvəz etdi və serialın buraxılışı iki il təxirə salındı. Süjet Bred Pitt və Ancelina Colinin baş rollarda çəkildiyi orijinal filmdən bir qədər fərqlidir. Amazon Prime Video, 2 fevral

“Avatar: Aanq haqqında əfsanə”

Gənc hava maqə Aanq və onun dostlarının sərgüzəştlərindən bəhs edən kult animasiya serialının növbəti adaptasiya cəhdi istehsalı zamanı ciddi çətinliklərlə üzləşib. Orijinal layihənin şoumenləri Maykl DiMartino və Brayan Konietzko Netflix ilə yaradıcı fikir ayrılıqlarına görə işdən çıxıblar. Onları serialda “Avatar” kainatının həqiqiliyini qoruyacağını vəd edən Albert Kim əvəz edib. Netflix, 22 fevral

“Fallout”

“Halo”, “Resident Evil” və “The Last of Us” filmlərinin serial adaptasiyaları populyar video oyunların teleserial adaptasiyalarının yeni trendinə səbəb oldu. Üç pionerdən yalnız “The Last of Us” qeyd-şərtsiz hit kimi tanındı, lakin indi “Fallout” franşizasına əsaslanan Lisa Coy və Conatan Nolanın (“Vəhşi Qərb Dünyası”) yeni layihəsi bu uğurları qazanmağa iddialıdır. Serialın ssenarisi nüvə müharibəsi ilə məhv edilmiş post-apokaliptik dünyada baş verir. Kilometrlərlə yerin altında gizlənmiş Sığınacaq sakini Ella Pernell super mutantlarla dolu kainatı araşdıracaq. Amazon Prime Video, 12 aprel

“Əjdaha evi”

“Taxt-tac oyunları”un prikvelinin ilk mövsümü uzun sürən müharibənin proloqu oldu. Serialda gənc şahzadə Reynira (Emma D'Arcy) və onun əri Deymonun (Mett Smit) mərhum Kral Vizerisin (Peddi Konsidayn) taxtı uğrunda mübarizəsini göstərir. Cütlüyün rəqibləri Eyqon Tarqaryen (Tom Qlin-karni) və onun anası, dul kraliça Alisenta Haytauerdir (Oliviya Kuk). Maks, 2024-cü ilin yayı 

“Dune: Prophecy”

Deni Vilnevin yazıçı Frenk Herbertin elmi-fantastik romanları əsasında çəkdiyi trilogiyanın prikvelinin şou rəhbərlərinin qarışdırılmasından sonra nəhayət Budapeştdə çəkilişləri başladı. “Dune: Prophecy” serialı Bene Gesserit ordeninin yaranması haqqında məlumat verəcək. Hadisələr ilk filmdən on min il əvvəl cərəyan edir. Əsas rolları Emili Uotson və Oliviya Uilyamsifa ediblər. İlk iki epizodun rejissoru Çernobılda işləyən Yohan Renk, şou rəhbəri isə Alison Şapker idi. Maks, 2024-cü ilin sonu

“Pinqvin” (The Penguin)

“Joker”, kənara çəkil! DC komikslərinin yeni şousu pinqvin kimi tanınan mafioz Osvald Kobblpotun hekayəsindən bəhs edəcək. Baş rolu artıq Mett Rivzin “Betman” filmində bu cani obrazı canlandıran Kolin Farrell oynayır. Serial nüfuzlu super cani Karmayn Falconenin ölümündən sonra Qotemda Pinqvinin hakimiyyətə necə gəldiyindən bəhs edəcək. Rejissor Kreyq Zobeldir. Maks, 2024-cü ilin sonu

“Ulduz müharibələri. Akolit”

“Ulduz müharibələri” kainatındakı növbəti serialın süjeti, kosmos dastanının ilk epizodunun hadisələrindən bir əsr əvvəl, İmperiyanın yaranmasından çox əvvəl, cedayların uzaq bir qalaktikada hakimiyyətdə olduğur dövrdə baş verir. Sithlər isə yenicə güc toplamağa başlamışdılar. Baş rolda Dafni Kin, şouranner kimi isə Lesli Hedlend çıxış edib. Disney+, 2024

“Üzüklərin şahzadəsi. Güc üzükləri”

Televiziya tarixinin ən bahalı serialı geri dönür! “Güc üzükləri”nin birinci hissəsi franşizanın pərəstişkarları tərəfindən mənfi qarşılanıb, lakin “Amazon” hələ debüt mövsümünün buraxılmasından əvvəl serialın davamına yaşıl işıq yandırıb - burada əsas intriqa, çox güman ki, studiyanın layihəni izləyicilərin gözləntilərinə uyğun yenidən qura bilməsi ilə bağlı olacaq. Məlumdur ki, ikinci hissə səkkiz seriyadan ibarət olacaq, rejissorlardan biri  ilk mövsümdə layihə üzərində işləyən Şarlotta Brandstromdur. Amazon Prime Video, 2024-cü il

“Kalamar oyunu”

Cənubi Koreya şousunun reytinqlərini nəzərə alsaq, 2021-ci ilin ən böyük hitlərindən birinin ekranlara geri qaytarılması yalnız vaxt məsələsi idi - serial bu günə qədər “Netflix”in ən populyar orijinal layihəsi olaraq qalır. Yazıçı Hvan Don-hek ikinci mövsümü daha irimiqyaslı olacağına söz verib. Süjet xətti yenə də Cənubi Koreyada cərəyan edəcək və sonuncu dəfə sağ qalan personajlar, o cümlədən baş qəhrəman Son Ki Hunu serialın ikinci hissəsində görəcəyik. Netflix, 2024

“The Sympathizer”

“Oldboy” və “Qulluqçu”nun yaradıcısı Pak Çhan-uk Vyetnam əsilli ABŞ yazçısı yazıçısı, Pulitzer mükafatı laureatı  Viet Thanh Nguyennin “The Sympathizern” romanı əsasında çəkilən serialda rejissorlardan biri kimi çıxış edir. Baş rolda Hoa Syuandenin oynadığı serialda kiçik Robert Dauni də rol alacaq. Layihənin şouranneri Don Makkellardır. Maks, 2024