Britaniyalı müğənni və bəstəkar Elton Con Fransadakı evində yıxılaraq xəstəxanaya yerləşdirilib. Bu barədə “Nice Matin” qəzeti öz mənbələrinə istinadən məlumat yayıb.

Məlumdur ki, hadisə bazar ertəsi, avqustun 28-də Nitsanın Mont Boron bölgəsindəki məşhurların villasında baş verib. 76 yaşlı sənətçi yüngül xəsarətlərlə Monako xəstəxanasına aparılıb.

Bu ilin iyulunda məlum olub ki, Elton Con Stokholmdakı “Tele2” stadionunda beş illik “Farewell Yellow Brick Road Tour” turunu başa vurub. Musiqiçinin şou çərçivəsində ifa etdiyi son mahnı 1973-cü ilin eyni adlı albomundan “Goodbye Yellow Brick Road” idi. İfaçı bir daha qastrol səfərinə getməyəcəyini desə də, yenə çıxış edəcəyini etiraf edib. Elton Con dünyanın hər yerindən gələn pərəstişkarlarına təşəkkür edib ki, onları heç vaxt unutmayacağını bildirib.