İlhamın cavabını Lalə Məmmədova yox, birinci həyat yoldaşı verdi

Əməkdar artist Lalə Məmmədovanın keçmiş həyat yoldaşı İlham Qafarov haqqında bəzi faktlar üzə çıxıb. Belə ki, İlham Qafarovun ilk nikahından olan həyat yoldaşı Kəmalə Şabanova adlı xanım sosial şəbəkədə onun əleyhinə bir çox ittihamlar səsləndirib.

Buta.media xəbər verir ki, Kəmalə Şabanova sosial şəbəkədə bu sözləri yazıb:

“30 il səssiz qaldım. Amma indi insanlara hər şeyi deyəcəm. Onun köməyi olmadan təkbaşıma iki övlad böyütdüm. Laləyə eşq olsun. Onu ən sərt şəkildə cəzalandırmaq lazımdır. Mənim uşaqlarıma heç vaxt bir manat da verməyib, aliment ödəməyib. O, təhlükəli adamdır və qeybət edəndir. Həmişə mənə şər atıb, uşaqlarından isə tamamilə imtina edib. Uşaqlarımı özüm oxutdurdum, müalicə elətdirdim, evləndirdim. Belə kişilər öz cəzalarını almalıdırlar. Övladına heç bir cavabdehlik daşımır. Lalə ilə etdiyi hərəkəti mənimlə də etdi. Eyni ssenari. O, hər şeyə görə cavab verməlidir.

Onun uşaqlarını qadınlar saxlamalıdır? Məsələn, mən. İndiyə qədər onun elədiklərinin qarşısı alınmayıb. Birindən ayrılıb, digərinə aliment vermək istəmir. Mən sadəcə uşaqlarım üçün yaşamışam. O, başqalarının da həyatını məhv edir. Ancaq sakit dura bilmərəm. Onun iç üzünü hamı bilməlidir. O, yaxşı oğlandır? Yəqin ki, araq stəkanı arxasında yaxşı oğlandır. Bəli, doğrudur, o, içki düşkünü idi. Mən bunları yazmaqda məqsədim odur ki, Lalənin uşaqlarına aliment versin. Onun hazırda üçüncü nikahıdır. Ancaq yazır ki, iki dəfə evlənib. O, başqasının hesabına yaşayan insandır. Heç vaxt düzəlməyəcək".

Qeyd edək ki, Kəmalə Şabanova İlham Qafarovun birinci həyat yoldaşı olub.

İlham Qafarovun onunla nikahından bir oğlu, bir qızı var. Onların ayrılmasından 5 il sonra İlham Qafarov Lalə Məmmədova ilə ailə qurub. Onun əməkdar artistlə nikahından iki qızı var.

Lalə Məmmədova İlham Qafarovu aliment ödəmədiyinə görə məhkəməyə verib.

BÖLMƏNİN DİGƏR XƏBƏRLƏRİ