Ağdamın “Qarabağ” klubu UEFA Çempionlar Liqasının II təsnifat mərhələsində Bakıda İsveçrənin “Sürix” komandasını qəbul edib.
Buta.media xəbər verir ki, Tofiq Bəhramov adına Respublika stadionunda keçirilən oyun Qurban Qurbanovun yetirmələrinin 3:2 hesablı qələbəsi ilə yekunlaşıb.
Oyunda hesabı 17-ci dəqiqədə Kadi açıb. Qarşılaşmanın 36-cı dəqiqədə Vadji hesab arasında fərqi iki topa çatdırıb.
Matçın 65-ci dəqiqəsində qonaqların futbolçusu Lindrit Kamberi hesab arasındakı fərqi azaltsa da, isveçrəlilərin sevinci uzun çəkməyib.
Bir dəqiqə sonra isə İbrahima Vadji özünün ikinci, “Qarabağ”ın üçüncü qolunu qonaqların qapısından keçirib. Qarşılaşmanın 85-ci dəqiqəsində “Sürix” hesab arasındakı fərqi yenidən azaldıb. Mirlind Kryeziu Şahrudin Məhəmmədəliyevnən dueldən qalib ayrıldı.
Komandalar arasındakı cavab oyunu iyulun 27-də İsveçrədə keçiriləcək.
