Futbolçu Xose Hüqo De la Kruz Meza Peruda matç zamanı ildırım vurması nəticəsində ölüb. Bu barədə “The Sun” məlumat yayıb.

İnsident “Huventud Bellavista” və “Familia Çokka” klubları arasında regional liqa görüşü zamanı baş verib. Oyun Uankayo şəhərində baş tutub. Hakim ildırım vurmamış oyunu dayandırsa da, futbolçular meydanı tərk etməyə vaxt tapmayıb.

Meza yerindəcə keçinib, daha bir neçə futbolçu isə xəstəxanaya yerləşdirilib. Onlardan biri, 40 yaşlı qapıçı Xuan Çokka Llakta ağır vəziyyətdə xəstəxanaya çatdırılıb.

Peruda hadisədən sonra pis hava şəraitində yarışların dərhal dayandırılmasını təmin etmək üçün təhlükəsizlik protokollarını tətbiq etməyə çağırılıb.