Azərbaycanın gənc cüdoçuları Könül Əliyeva (52 kq) və Fidan Əlizadə (57 kq) Estoniyanın paytaxtı Tallində keçirilən Avropa çempionatının qalibi olublar.

Bütün rəqiblərinə qalib gələrək fəxri kürsünün ən yüksək pilləsinə qalxan Könül Əliyeva turnirdə Azərbaycanın aktivinə ilk qızıl medalı yazdırıb. 

Fidan Əlizadə də bütün rəqiblərinə qalib gələrək Azərbaycanın aktivinə ikinci qızıl medalı yazıdırıb. O, finalda gürcüstanlı Nino Loladzeni üstələyib.

Qeyd edək ki, Nizami İmranov (60 kq) isə gümüş medalla kifayətlənib.

Xatırladaq ki, Avropa çempionatı sentyabrın 8-də başa çatacaq.