DİN-dən Səfər Mehdiyevi saxlayan polislərlə bağlı açıqlama - video

Daxili İşlər Nazirliyi bir müddət əvvəl Dövlət Gömrük Komitəsinin sabiq sədri Səfər Mehdiyevin idarə etdiyi avtomobili saxlayan yol polislərinin işdən çıxarılmasına münasibət bildirib.

DİN-in Mətbuat xidmətinin şöbə rəisi Elşad Hacıyev “Qafqazinfo”ya bildirib ki, həmin polis əməkdaşlarının daxili işlər orqanlarında xaric edilməsi ilə bağlı yayılan məlumatlar həqiqətə uyğun deyil.

Qeyd edək ki, sfera.az saytı məlum videodakı polislərin vəzifələrindən azad edilərək sərəncama götürülməsi barədə məlumat yayıb.

14:03

Dövlət Gömrük Komitəsinin sabiq sədri Səfər Mehdiyevin avtomobilini saxlayan DYP əməkdaşları vəzifələrindən azad edilərək, sərəncama götürülüblər.  

Bu barədə Sfera.az məlumat əldə edib.

Qeyd edək ki, bir neçə gün öncə Səfər Mehdiyevin idarə etdiyi avtomobilin saxlanmasını əks etdirən görüntülər yayılıb. Hadisə vaxtı keçmiş sədr “Mercedes Gelandewagen” markalı, 90-AA-978 dövlət qeydiyyat nişanlı avtomobilindən düşərək polis əməkdaşlarına hirslənib.

Səfər Mehdiyev onu saxlayan polisə: “Nə həyasız adamsan? Sirena yandırdığımı görmürsən?” - dediyi görünüb. Yol polisi isə ona: “Cənab general, nömrədə yazılmır axı kimdir sürən?! Bizə deyiblər ki, siqnal olmaz”, - cavabını verib.

Daha sonra Gömrük Komitəsinin sabiq rəhbəri avtomobilinə əyləşərək uzaqlaşıb.

BÖLMƏNİN DİGƏR XƏBƏRLƏRİ