Sabiq milli təhlükəsizlik naziri Eldar Mahmudov bu gün uzun müddət sonra ilk dəfə görüntülənib. 

“Qafqazinfo” xəbər verir ki, o, Azərbaycanın Milli Qəhrəmanı Riad Əhmədovun vida mərasiminə qatılıb. Belə ki, R.Əhmədov E.Mahmudovun bacısının həyat yoldaşı olub. Mərasim Dövlət Təhlükəsizliyi Xidmətinin (DTX) Mədəniyyət Mərkəzində təşkil olunub.

Qeyd edək ki, E.Mahmudov 2004-2015-ci illərdə MTN-ə rəhbərlik edib. Uzun müddət ictimaiyyət arasında görünməyib. 

Daha sonra E. Mahmudov R. Əhmədovun dəfn mərasimində iştirak edib. 

Qeyd edək ki, R.Əhmədovun nəşinin qalıqları bir müddət əvvəl Qarabağda aşkar edilib. Aparılan ekspertizadan sonra qalıqların kimə məxsus olması müəyyən edilib. Bu gün onunla vida mərasimi keçirilib.