Millət vəkili Fazil Mustafaya qarşı terror aktı İranın Azərbaycanda yaratdığı şəbəkə vasitəsilə həyata keçirilib. Bu barədə haqqin.az-a hökumətdəki mənbələrdən məlumat verilib.

Bu məqsədlə siyasi şiəlik düşərgəsinin fəallarından biri olan Azər Sarıcanov Azərbaycanda “Qaraköynəklilər” dəstəsi yaradıb.

Törədilmiş cinayətin xarakteri, iştirakçıların şəxsiyyəti, istifadə etdiyi üsullar, eləcə də Azərbaycan xüsusi xidmət orqanlarının əməliyyat məlumatları bu terror aktının arxasında İran xüsusi xidmət orqanlarının, xüsusən də İslam İnqilabı Keşikçiləri Korpusunun dayandığına dair əsaslı şübhələri gücləndirir.

Xatırladaq ki, Fazil Mustafaya silahlı hücumdan əvvəl Azərbaycanın İrandakı səfirliyində terror aktı törədilib.

Azərbaycan hökuməti və ictimaiyyəti İranın hərəkətlərini Azərbaycana qarşı terror üsulları seçmiş bu ölkənin erməni xüsusi xidmət orqanlarının və millətçi dairələrinin fəaliyyət metodları ilə eyniləşdirir.

Hüquq-mühafizə orqanları “Qaraköynəklilər” şəbəkəsinin bütün üzvlərinin müəyyən edilməsi istiqamətində fəal iş aparır. Qeyri-qanuni təşkilata qoşulan Azərbaycan vətəndaşları qanun çərçivəsində maksimum cəza alacaqlar.