Dövlət Sərhəd Xidməti (DSX) Ermənistan Müdafiə Nazirliyinin yaydığı məlumatı təkzib edib.
DSX-in Mətbuat xidmətindən bildirilib ki, dekabrın 15-i saat 01:10-da Zəngilanın Kolluqışlaq və Rəzdərə yaşayış məntəqələri istiqamətində yerləşən sərhəd bölmələrimizin guya qarşı tərəfin Qafan rayonunun Kilsəkənd yaşayış məntəqəsi istiqamətindəki mövqelərinə atəş açması barədə məlumat həqiqətə uyğun deyil.
Yalan məlumat qəti olaraq təkzib edilib və deziformasiyanın Ermənistan Müdafiə Nazirliyinin növbəti təxribatı olduğu bildirilib.
