İran parlamentinin erməni əsilli deputatı Robert Beqlaryan Ermənistan mətbuatına bildirib ki, “İranın Ermənistanı silahla təmin etməsinə heç nə mane ola bilməz”.

“İran yəqin ki, müvafiq mexanizmlərlə məsələni müzakirə etmək və Ermənistana faydalı olmaq istəyini ifadə edəcək. Hesab edirəm ki, indiki vəziyyətdə hdanışıqlara ehtiyac var, bu məsələdə hər iki tərəfdə əhval-ruhiyyəni hiss etmək lazımdır. Hazırda bununla bağlı danışıqların aparılıb-aparılmadığını deyə bilmərəm. İstisna etmirəm ki, İran silahlarının Ermənistana verilməsi imkanları var və olacaq”, - deyə o bildirib.