Estoniyanın xarici işlər naziri Urmas Reinsalu Krım körpüsündə baş verən partlayışla əlaqədar Ukraynanı təbrik edib. Onun sözlərini yerli Delfi portalı sitat gətirir.

“Estoniya bunu (körpünün partlamasını – red.) əlbəttə alqışlayır və bu əməliyyatın arxasında duran Ukrayna xüsusi təyinatlılarını təbrik edir”, - Reinsalu deyib və partlayışı cəsarətli hərəkət adlandırıb.

O xatırladıb ki, Kiyev uzun müddətdir mümkün zərbə hədəfi kimi Krım körpüsündən danışırdı. “Müsbət hal odur ki, [körpüdə] nəqliyyatın hərəkəti dayanıb”, - Estoniya Xarici İşlər Nazirliyinin rəhbəri əlavə edib.

Onun sözlərinə görə, körpü logistika baxımından böyük rol oynayır, və Rusiya üçün mühüm simvolik məna daşıyır.