Rusiya Federasiyası Prezidentinin mətbuat katibi Dmitri Peskov bildirib ki, sabah, sentyabrın 30-da “Rusiyaya yeni ərazilərin daxil olması” haqqında müqavilələrin imzalanması mərasimi keçiriləcək. Onun sözlərinə görə, Rusiya dövlət başçısının böyük çıxışı planlaşdırılır.

“Sabah saat 15:00-da Georgiyevski zalında yeni ərazilərin Rusiya Federasiyasına daxil olmasına dair sazişlərin imzalanması baş tutacaq. Putinin böyük çıxışı olacaq”, - deyə o bildirib.

“DXR”, “LPR”, Xerson və Zaporojye vilayətlərinin “rəhbərləri” Putinlə görüşdə iştirak etmək üçün Moskvaya gəliblər.

Sentyabrın 27-də Ukraynanın qismən işğal olunmuş dörd rayonunda Rusiyanın tərkibinə daxil olmaq üzrə “referendumlar” başa çatıb. "Yeni subyektlərin qəbulu üçün konstitusiya proseduru çərçivəsində hərəkətlərin aydın ardıcıllığı var" - senator Andrey Klişas bildirib.

O xatırladıb ki, ilhaq edilmiş ərazilər ilhaq ediləcəyi təqdirdə Rusiya Konstitusiyasının 65-ci maddəsinə dəyişikliklər edilməlidir. Federasiya Şurası onlara səs verməlidir, bundan sonra prezident öz fərmanı ilə düzəlişləri təsdiq edir.