Çeçenistan rəhbəri Ramzan Kadırov Rusiya hüquq-mühafizə orqanlarının əməkdaşlarını Ukraynaya müharibəyə göndərməyi təklif edib.

“Hüquq-mühafizə və hərbi idarələrlə birlikdə bu, müntəzəm olaraq idman standartlarını keçən 5 milyona yaxın insandır. Əgər heyətin 50%-ni vəzifədə qoysanız, onların 2,5 milyon nəfərlik ikinci yarısı istənilən Qərb ordusunu darmadağın edəcək. Və ehtiyata ehtiyac olmayacaq”, - deyə o, Telegram kanalında yazıb.

Kadırov rusiyalıların səfərbərlikdən yayınması barədə də təhqiramiz danışıb.

“Düzünü desəm, hava limanında növbələr acınacaqlı mənzərədir. İstər-istəməz başa düşürsən ki, bu balast olmadan hər kəs üçün daha yaxşı və asan olacaq. Parazitlər, tənbəllər heç vaxt fayda gətirməz. Yalnız zərər. Yararsız adamlar”, - Çeçenistan rəhbəri yazıb.