Ukrayna ordusu Xerson və Vısokopolye yaxınlığındakı dörd kəndi Rusiya hərbçilərindən azad edib.

Bu barədə CNN məlumat yayıb.

Nəşrin mənbəsinin məlumatına görə, Ukrayna qoşununun əməliyyatı gecə saatlarında Rusiya hərbçilərinin mövqelərinin ön və arxa tərəfin kütləvi atəşə tutulması ilə başlayıb.

“Hücumun əsas istiqaməti Pravdino üzərində idi. Biz onların “DXR” və “LXR”dən olan piyadalarını vurduq, qaçdılar. Rusiya qoşunlarının hərbçiləri onların arxasınca qaçdılar”, - mənbə agentliyə deyib.

Qeyd edilir ki, Ukrayna hərbçiləri üç mövqedə Rusiya qoşunlarının müdafiəsini yarıb və dörd yaşayış məntəqəsini azad edib.

Həmin kəndlər Novodmitrovka, Arxangelskoye, Tomina Balka və Pravdinodur.