Rusiyanın Mi-8 helikopteri Estoniyanın cənub-şərqində Koydula sərhəd-keçid məntəqəsi yaxınlığında icazəsiz ölkənin hava məkanına daxil olub.
Bu barədə Estoniya Xarici İşlər Nazirliyinin bəyanatında deyilir.
“Bu, çox ciddi, kədərli və qəbuledilməz haldır”, - nazirliyin məlumatında bildirilib.
Hadisə ilə bağlı Rusiya səfiri Estoniya XİN-ə çağırılıb və ona nota təqdim edilib. Estoniya XİN vurğulayır ki, Moskva milli suverenlik və ərazi bütövlüyü prinsiplərinə və beynəlxalq hüquqa hörmət etməlidir.
