Çeçenistan rəhbəri Ramzan Kadırova general-leytenant rütbəsi təqdim olunub.

Buta.media xəbər verir ki, Qroznıda keçirilən mərasimdən görüntüləri RİA Novosti yayıb.

Yeni rütbəni Kadırova Rusiya Milli Qvardiyasının Şimali Qafqaz dairəsinin komandiri general-leytenant Sergey Zaxarov təqdim edib.

“İstənilən mükafatı, istənilən ad və rütbəni almaq böyük məsuliyyətdir. Sən bu ada və mükafata layiq olmalısan”, - Çeçenistan rəhbəri deyib.

Qeyd edək ki, 45 yaşlı Kadırov həmçinin Rusiya Federasiyasının Qəhrəmanıdır, bundan əlavə “Vətənə xidmətə görə” III dərəcəli orden, həmçinin “Şücaət” və “Şərəf” ordenləri ilə təltif olunub.