Rusiyada Instagram qadağa olundu
“Roskomnadzor” (Rusiyanın Rabitə, informasiya texnologiyaları və kütləvi kommunikasiyalar sahəsində nəzarət üzrə Federal Xidməti) Rusiya ərazisində Instagram sosial şəbəkəsini qadağan edib.
Buta.media-nın xəbərinə görə, bu barədə qurumun saytında məlumat yerləşdirilib.
Instagram-ın ölkə ərazisində bloklanmasına səbəb kimi ABŞ-ın Meta (keçmiş Facebook) şirkətinin platformada rusiyalılara qarşı zorakılıq çağırışlarına icazə verməsi göstərilir.
Qurumdan həmçinin qeyd olunub ki, platforma özündə Rusiya vətəndaşları və hərbçilərinə qarşı zorakılıq çağırışları ehtiva edən materiallar yayır.
