Cənubi Koreyanın ikinci böyük şəhəri olan Busanda aeroportda sərnişin təyyarəsi havaya qalxmazdan əvvəl yanıb.

Yanğın yanvarın 28-i axşam saatlarında Honq-Konqa uçmalı olan “Air Busan” təyyarəsinin göyərtəsində baş verib. Təyyarənin quyruğunda başlayan yanğın daha sonra gövdəyə keçib.

Hadisə zamanı laynerin göyərtəsində 169 sərnişin və 7 ekipaj üzvü olub. Onların hamısı təxliyə edilib. 

Yanğının səbəbi barədə məlumat verilmir.