Türkiyədə xizək kurortu mərkəzində yerləşən hoteldə baş verən yanğın zamanı ölənlərin sayı 66 nəfərə çatıb.

Bu barədə Türkiyənin daxili işlər naziri Ali Yerlikaya açıqlama verib.

Onun sözlərinə görə, hadisə nəticəsində 51 nəfər yaralanıb.

10:24

Türkiyədə Bolu bölgəsində yerləşən Kartalkaya xizək kurortu ərazisindəki hotellərdən birində güclü yanğın baş verib.

Hadisə nəticəsində 10 nəfər ölüb, 32 nəfər yaralanıb.

Bolu vilayətinin valisi Əbdüləliz Aydın  ölən və yaralananların yerli vətəndaşlar olduğunu bildirib.

İlkin məlumatlara görə, yanğın yerli vaxtla saat 03:00 radələrində yeddimərtəbəli hotelin damında baş verib və qısa müddətdə bütün binanı bürüyüb.