ABŞ-ın yeni seçilmiş prezidenti Donald Tramp bildirib ki, onun Rusiya prezidenti Vladimir Putinlə görüşünə hazırlıq gedir. Tram bu barədə Floridadakı iqamətgahında respublikaçı qubernatorlarla görüşdən əvvəl jurnalistlərə deyib.

“O, görüşmək istəyir və biz bunu təşkil edəcəyik”, Tramp deyib.

“Prezident Putin görüşmək istəyir. Hətta bunu açıq şəkildə dedi və biz bu müharibəni bitirməliyik”,  ABŞ-ın yeni seçilmiş prezidenti bildirib.

O, görüşün hazırlanması prosesinin konkret nədən ibarət olduğunu və nə vaxt keçirilə biləcəyini açıqlamayıb.

Kreml hələ ki, Trampın bəyanatını şərh etməyib.