Rusiyanın Odessaya endirdiyi zərbə nəticəsində ən azı 11 nəfər yaralanıb.

İlkin məlumatlara görə, noyabrın 25-də səhər saatlarında Rusiya hərbçiləri “İskəndər-M” ballistik raketi ilə şəhərin mərkəzinə zərbə endiriblər.

Zərərçəkənlər xəstəxanaya yerləşdirilib, bir qadının vəziyyəti ağırdır.

Hadisə nəticəsində mülki infrastruktura - yaşayış binaları, tibb müəssisəsi, ofis binaları, ticarət obyektləri və nəqliyyat vasitələrinə ziyan dəyib. 

Yerli prokurorluq müharibə qanunlarının və adətlərinin pozulması (Ukrayna Cinayət Məcəlləsinin 438-ci maddəsinin 1-ci hissəsi) ilə bağlı istintaqa başlayıb.