Şimali Koreya iyulun sonunda ölkənin şimal bölgəsində minlərlə insanın ölümünə səbəb olan güclü daşqından sonra bir neçə məmuru edam edib. Bu barədə “Chosun TV” xəbər verir.

Cənubi Koreyanın adının açıqlanmayan hökumət rəsmisi telekanala bildirib ki, keçən ay daşqın bölgəsində 20-30 regional hökumət məmuru güllələnib.

Telekanalın məlumatına görə, Caqan əyalətinin ən çox zərər çəkmiş bölgəsində dağıdıcı daşqınlar nəticəsində bir neçə minə qədər insan həlak ola bilərdi.

Kim Çen In iyulun sonunda partiyanın fövqəladə iclasında öz öhdəliklərinə “laqeyd yanaşan”ları və itkilərə görə məsuliyyət daşıyanları ciddi şəkildə cəzalandıracağını bildirib. Şimali Koreyanın təbliğat aparatı Kim Çen Inın fəlakətdən sonra xilasetmə işlərinə nəzarət etdiyi fotoşəkilləri yayıb, lakin heç bir ölüm faktı barədə məlumat verməyib.

Şimali Koreyanın dövlət mediası bildirib ki, güclü yağışlar 4100-ə yaxın evi zədələyib, yolları və qatar relslərini su basıb, Uiju qraflığında təxminən 3000 hektar əkin sahəsini məhv edib. Beş minə yaxın insan xilas edilib.

“Chosun TV”un məlumatına görə, Çinlə həmsərhəd olan və Koreyada Amnok çayı kimi tanınan Yalu çayının yuxarı və orta axarlarının yerləşdiyi Çaqanq əyalətində daşqınların vurduğu ziyan daha çox olub. Cənubi Koreya mediası xəbər verir ki, cəsədlərin bəziləri suyun səviyyəsi azaldıqdan sonra torpağın təmizlənməsi işləri zamanı aşkar edilib.