Rusiya ordusunun tərkibində Ukraynada hərbi əməliyyatlarda iştirak edən əslən Zərdab rayonundan olan Fəxri Hacıyev döyüşdə həlak olub.

Bu barədə sosial şəbəkələrdəməlumat yayılıb.

Bildirilir ki, Məlikli kənd sakini, 1972-ci il təvəllüdlü Fəxri Hacıyevin meyiti Azərbaycana göndərilib. O, avqustun 5-də doğma kəndindəki qəbiristanlıqda torpağa tapşırılıb.

Qeyd edək ki, Ukraynadakı hərbi münaqişə zamanı azı 130 azərbaycanlı həlak olub, 70 nəfər itkin düşüb, 100-ə yaxın soydaşımız yaralanıb.