Rusiyanın Volqoqrad vilayətində Su-34 bombardmançı təyyarəsi qəzaya uğrayıb. Bu barədə RF Rusiya Müdafiə Nazirliyi bəyanat yayıb.

Bildirilir ki, təyyarə  döyüş sursatları olmadan təlim uçuşu həyata keçirirdi.

Qəzaya uğrayan Su-34 bombardmançısı boş əraziyə düşüb. Pilotlar katapult ediblər, hazırda onların həyatları təhlükədə deyil.

Müdafiə Nazirliyi qeyd edir ki, hadisənin ilkin səbəbi texniki nasazlıq hesab edilir. Hazırda qəza yerində xüsusi komissiya işləyir.