Ermənistanın Baş naziri Nikol Paşinyan bir daha Belarusa səfər etməyəcəyini açıqlayıb.

“News.am” xəbər verir ki, Paşinyan bu barədə parlamentdə çıxışı zamanı danışıb. 

Ölkəsinin KTMT ilə münasibətlərinin hazırkı vəziyyətindən bəhs edən Paşinyan Belarus Prezidenti Aleksandr Lukaşenkonun bu yaxınlarda etdiyi açıqlamasına da toxunub:

“KTMT ölkələrindən birinin lideri deyir ki, Azərbaycanın qələbəsinə inanıb və bunu arzulayıb. Bundan sonra mən Belarusun lideri ilə KTMT formatında hansısa məsələni müzakirə etməyə gedəcəyəm? Bildirirəm ki, bundan sonra bir daha Belarusa getməyəcəyəm. Ümumiyyətlə deyirəm ki, bu andan etibarən Ermənistanın heç bir rəsmi nümayəndəsi Belarusa səfər etməyəcək”.