Üçüncü müddətə seçilmək istəyən Hindistanın baş naziri Narendra Modi NDTV telekanalına müsahibəsində deyib ki, Allah onu hökumətə rəhbərlik etmək üçün seçib. 

“Bəziləri məni dəli adlandıra bilər, amma mən əminəm ki, Paramatma (tanrı) məni bir məqsəd üçün göndərib. Məqsədə çatandan sonra işim bir olacaq. Buna görə də özümü tamamilə Allaha həsr etmişəm”, - Modi bildirib.

Hindistanın Baş naziri qeyd edib ki, Allah ona müəyyən işlər görmək üçün idarə edir, lakin “kartlarını açmır, sadəcə məni nəsə etməyə məcbur edir”.

“Və mən ona birbaşa zəng edib gələcəkdə nələrin baş verəcəyini soruşa bilmərəm”, deyə o bildirib.

73 yaşlı Narendra Modinin rəhbərlik etdiyi hakim millətçi “Bharatiya Janata Partiyası” (BJP, ”Hindistan Xalq Partiyası”) qələbəyə əsas namizəd hesab olunur. Seçkinin nəticələri iyunun 4-də açıqlanacaq.

“Financial Times”ın məlumatına görə, Modi hinduların, yəni ölkə əhalisinin əksəriyyətinin maraqlarının müdafiəçisi kimi kampaniya aparır və Hindistanın dünyada nüfuzunu artıracağını vəd edir. Eyni zamanda, beynəlxalq müşahidəçilər və baş naziri tənqid edənlər hesab edirlər ki, Hindistanda demokratiya dərin tənəzzüldədir və hakimiyyət müxalifətə və müstəqil jurnalistlərə amansız təzyiq göstərməkdə davam edir.