Rusiya qoşunları Donetsk vilayətinin Kleşeyevka kəndini ələ keçirib. Bu barədə Rusiya Müdafiə Nazirliyinin hesabatında deyilir.

Kleşeyevka kəndi Baxmutdan bir neçə kilometr aralıda yerləşir.

Mayın 21-də axşam saatlarında Rusiyanın “hərbi müxbiri” Yuri Kotyonok yazıb ki, RF ordusu “Kleşeyevkanın cənubundakı yüksəklikləri kəndin özünü” ələ keçirib. Onun sözlərinə görə, Ukrayna qoşunları “Severski Donets-Donetsk kanalının arxasına çəkilib”.

Ukrayna Silahlı Qüvvələrinin Baş Qərargahının mayın 21-i axşama olan hesabatında deyilir ki, Rusiya qoşunları Kleşeyevka ərazisində hücuma keçib. Məlumatda həmçinin ​​qeyd olunub ki, Kramatorsk istiqamətində Rusiya ordusu taktiki vəziyyəti yaxşılaşdırmağa çalışır, Kleşeyevka istiqamətində də hücumlar həyata keçirilir, lakin vəziyyət “nəzarət altındadır”. Mayın 22-də dərc olunan gündəlik hesabatda Kleşeyevka haqqında heç nə deyilmir.